Уитни Хьюстон зуурдаар нас нөгчсөний дараа түүний цомгийн гүйлгээ эрс нэмэгджээ. Дуучныг хорвоогийн мөнх бусыг үзүүлсэн тухай мэдээлэл тарснаас хойш хэдхэн цагийн дотор түүний шилдэг дууны түүвэр болох «Greatest Hits» цомог «Apple» компанийн «iTunes» хөгжим болон киноны томоохон дэлгүүрийн хамгийн гүйлгээтэй бараа болжээ.
Хьюстоны шилдэг дууны түүвэр хит-парадыг удаан хугацааны турш тэргүүлж байсан дэлхий даяар алдаршиж яваа Британийн дуучин

Аделийн «21» цомгийг ардаа орхив. Түүвэрт дуучны хамгийн алдартай дуунаас бүрдсэн нэг, хөгжмийн зохиомж болон ремикс, Флорида муж улсын дагшаа найрал хөгжмийн хамт дуулсан АНУ-ын төрийн дуулал багтсан бас нэг, нийт хоёр цомог багтжээ.
«Hollywood Reporter»сонинд мэдээлснээр, одоо дэлхийн даяар дуучны синглүүд хамгийн эрэлт ихтэй байна. Хамгийн алдартай 10 дууны нэгдүгээрт «I Will Always Love You» дуу оржээ. Энэ дууг анх дуулсан нь Хьюстон биш аж. Дууг 1973 онд Америкийн өөр нэгэн од Долли Партон зохион дуулсан байна. Гэсэн хэдий ч энэ дуу «Бие хамгаалагч» кинонд дуулсных нь дараа Хьюстоны нэрийн хуудас болжээ.
Түүний бусад дууны худалдаа ч эрчимтэй өсч байгааг «iTunes» мэдээлсэн байна. Шилдэг 100 дууны жагсаалтад «I Wanna Dance With Somebody», «How Will I Know», «Greatest Love of All», «One Moment in Time», «I Have Nothing», «Where Do Broken Hearts Go», «Didn’t We Almost Have It All» болон «I’m Every Woman» зэрэг 10 орчим дуу нь оржээ.
Уитни Хьюстоны цогцос Лос-Анжелес дахь «Беверли Хилтон» зочид буудлын өрөөнөөс олдсон байна. Тэрбээр усанд орж байгаад ухаан алдаж унасан байдалтай байжээ.

---

Сэтгэгдэл бичих

Нэр:
Э-Шуудан:	(оруулахгүй байсан ч болно)
Сэтгэгдэл:

Сэтгэгдэлүүд

Сэтгэгдэл ороогүй байна